Avropa Liqasının III turu çərçivəsində keçirilən "Qarabağ" - PAOK matçından sonra xoşagəlməz anlar yaşanıb. Futbol11.az xəbər verir ki, 2:0 hesablı qələbədən sonra komandasını təbrik etmək istəyən Ağdam klubunun prezidenti Abdulbari Gözəl çətinliklə üzləşib.

Belə ki, komandasını təbrik etmək üçün VİP-dən çıxıb, 13-cü sektordan meydana düşmək, oradan da soyunub-geyinmə otağına yollanmaq istəyən Abdulbari bəyin qarşısını mühafizəni təşkil edən əsgərlər kəsiblər. Hərbi qulluqçular "Azərsun Holdinq"in rəhbərini tanımayıblar. Bu məqamda isə məsələyə polis müdaxilə edib. Bunun da bir faydası olmayınca tərəflər arasında gərgin anlar yaşanıb. Bizə verilən məlumata görə, həmin an dava da düşüb. Abdulbari Gözəl isə öz mühafizə xidmətinin əməkdaşlarının müşaiəti ilə hadisə yerindən uzaqlaşıb.