Bu gün Avropa Oyunlarında boks yarışları davam edəcək.


Moderator.az xəbər verir ki, əlcək ustalarının yarışında Azərbaycanı 5 idmançı təmsil edəcək. Onlardan 4-ü kişi, 1-i qadın olacaq. Boksçularımız hamısı ¼ finala adlamaq uğrunda yumruqlarını “işə salacaqlar”.

69 kq-da Pərviz Bağırov da Moldova idmançısı ilə görüşəcək. O, 14:15-də Vasili Belousla üz-üzə gələcək.

91 kq-da Abdulkadir Abdullayev macarıstanlı Hamori Adamla görüşəcək. Görüş 15:30-da başlayacaq.

64 kq çəki dərəcəsində Kollaso Stromayor 20:30-da Qalaqo Dmitrini məğlub etməyə çalışacaq.

75 kq-da Xaybula Musalov fransalı Mbilli Assomo-Hallier ilə üz-üzə gələcək. Bu qarşılaşma 21:00-da başlayacaq.

Xanım boksçumuz Yana Aleeksevna 57-60 kq çəki dərəcəsində qüvvəsini sınayacaq. O, finlandiyalı Mira Potkonenlə saat 13:00-da döyüşəcək.

***

Yana Aleeksevna 57-60 kq çəki dərəcəsində finlandiyalı Mira Potkonenlə görüşür.

***

İdmançımız 3:0 hesabı ilə qələbə qazanıb.

***

69 kq-da Pərviz Bağırov moldovalı Vasili Belousla görüşür.

***

Pərviz Bağırov 3:0 hesablı qələbə qazanaraq 4/1 finala adladı.

***

91 kq-da Abdulkadir Abdullayev macarıstanlı Hamori Adamla görüşür.

***

İdmançımız qarşılaşmada 3:0 hesabı ilə qalib gəldi.