Bu gün Avropa Oyunlarında sambo yarışlarına start veriləcək.

Axar.az xəbər verir ki, yarışlar 1 gün davam edəcək və 8 çəki dərəcəsində qaliblər müəyyənləşəcək. Millimiz bütün çəki dərəcələrində təmsil olunur.

Kişilər

57 kq çəki dərəcəsində İslam Qasımov 1/4 finalda rumıniyalı Orlando Qruia ilə qarşılaşacaq. Görüş saat 10:24-də başlayacaq.

74 kq çəki dərəcəsində Amil Qasımov 1/4 finalda sloven Tadey Cutuk və gürcü Kaxa Mamulaşvilinin qalibi ilə üz-üzə gələcək. Amil Qasımov bu cütlüyün qalibi ilə 11:06-da döşək üzərinə çıxacaq.

90 kq çəki dərəcəsində Kənan Qasımov 1/4 finalda ukraynalı İvan Vasilçukla görüşəcək. Qarşılaşma saat 10:12-də start götürəcək.

+100 kq çəki dərəcəsində Vasif Səfərbəyov 1/4 finalda makedoniyalı Bayro Maşoviçlə üz-üzə gələcək. Samboçular yarımfinal uğrunda döşəyə 10:48-də çıxacaq.

Qadınlar

52 kq çəki dərəcəsində Nəzakət Xəlilova 1/4 finalda rumın Sodriana İonesku ilə görüşəcək. Qarşılaşma 10:36-da başlayacaq.

60 kq çəki dərəcəsində Şəhanə Hüseynova 1/4 finalda rus Yana Kostenko ilə gürcü Şorena Şaradzenin qalibi ilə qarşılaşacaq. Təmsilçimiz bu cütün qalibi ilə 10:54-də görüşəcək.

64 kq çəki dərəcəsində Fəridə Qurbanova 1/4 finalda moldovalı Yekaterina Sretu ilə qarşılaşacaq. Görüş saat 10:36-da start götürəcək.

68 kq çəki dərəcəsində Nərminə Əlizadə 1/4 finalda belaruslu Olqa Namazova ilə üz-üzə gələcək. Qarşılaşma saat 11:00-da başlayacaq.


10:19

90 kq çəki dərəcəsində Kənan Qasımov 1/4 finalda ukraynalı İvan Vasilçukla görüşüb. O, rəqibinə 2-0 qalib gəlib və yarımfinala yüksəlib.

10:27

İslam Qasımov 1/4 finalda rumıniyalı Orlando Qruia ilə qarşılaşıb. Qasımov rəqibinə 4-0 qalib gəlib və yarımfinala yüksəlib.

10:34

Nəzakət Xəlilova 1/4 finalda rumın Sodriana İonesku ilə görüşüb. O, rəqibinə 3-1 qalib gəlib və yarımfinala yüksəlib.

10:41

Fəridə Qurbanova 1/4 finalda moldovalı Yekaterina Sretu ilə qarşılaşıb. O, rəqibinə 4-0 məğlub olub.

10:43

Vasif Səfərbəyov 1/4 finalda makedoniyalı Bayro Maşoviçlə üz-üzə gəlib. O, rəqibinə qalib gəlib və yarımfinala yüksəlib.

***

Vasif Səfərbəyov yarımfinalda erməni əsilli ukraynalı Razmik Tonoyanla üz-üzə gələcək.

***

Şəhanə Hüseynova 1/4 finalda rus Yana Kostenko ilə qarşılaşıb. O, rəqibinə 4-0 məğlub olub.

***

Nərminə Əlizadə 1/4 finalda belaruslu Olqa Namazova ilə üz-üzə gəlib. O, rəqibinə 4-0 məğlub olub.

11:12

Kənan Qasımov yarımfinalda rus Alsim Çernoskulovla görüşüb. O, rəqibinə 4-0 məğlub olub.

11:15

Amil Qasımov 1/4 finalda gürcü Kaxa Mamulaşvili ilə üz-üzə gəlib. O, rəqibinə 3-1 qalib gəlib və yarımfinala yüksəlib.

11:22

İslam Qasımov yarımfinalda gürcü Vaxtanq Çidraşvili ilə qarşılaşıb. Qasımov rəqibinə 3-1 qalib gəlib və finala yüksəlib.

11:27

Nəzakət Xəlilova yarımfinalda litvalı Ruta Aksionova ilə görüşüb. O, rəqibinə 4-0 qalib gəlib və finala yüksəlib.

11:29

Vasif Səfərbəyov yarımfinalda erməni əsilli ukraynalı Razmik Tonoyanla üz-üzə gəlib. O, rəqibinə 2-0 qalib gəlib və finala yüksəlib.