Əfqanıstanda aralarında Fərah əyalətinin “kölgə qubernator”unun da olduğu üç “Taliban” lideri hava zərbələri nəticəsində məhv edilib.

APA “RİA Novosti”yə istinadən xəbər verir ki, bu barədə ölkənin Müdafiə Nazirliyinin “Twitter” səhifəsində deyilir.

Məlumata görə, aviazərbələr Əfqanıstanın qərbindəki Fərah əyalətinin Xak Səfid bölgəsinə endirilib. Zərbələr nəticəsində Fərah əyalətində “kölgə qubernator” kimi tanınan Molla Abdul Bari və terrorçuların qərb əyalətlərindəki koordinasiya hərəkətlərinə məsul daha iki komandir zərərsizləşdirilib.