Pakistanda avtomobil körpünün dağılması nəticəsində çaya düşüb.

Publika.az “RİA-Novosti” agentliyinə istinadən xəbər verir ki, bu haqda “Dawn” nəşri bildirib.

Hadisə nəticəsində ən azı 24 nəfər ölüb. Nəqliyyat vasitəsi toy mərasimindən qayıdırdı.

“Hamısı bir ailənin üzvü olan 24 nəfər onları daşıyan avtomobilin çaya düşməsi nəticəsində boğuldu”, - Yuxarı Koxistan dairəsinin mülki müdafiə idarəsinin başçısı Axsanul Hak bildirib.

Nəşrin məlumatına görə hadisəyə səbəb köhnə vəziyyətdə olan körpünün həddən yüklənmiş avtomobilin çəkisinə dözməməsi olub. Polis və yerli sakinlər həlak olanların bədənlərinin axtarışlarına başlayıb.