Yaraqlılar Suriyanın Rukban düşərgəsindəki bazara gələn mülki şəxsləri dağıtmaq üçün onlara atəş açıblar.

"Report" RİA "Novosti"yə istinadən xəbər verir ki, bunu Rusiyanın Suriyada müharibə edən tərəflərin Barışdırılması Mərkəzinin rəhbəri general-mayor Aleksey Bakin brifinqdə deyib.

O bildirib ki, qaçqınlardan alınan məlumata görə, əvvəllər BMT və Suriya Ərəb Qızıl Aypara nümayəndələrinin Ər-Rukbana göndərdiyi yüklərin əhəmiyyətli bir hissəsi yaraqlılar tərəfindən alınaraq düşərgənin şimalında yerləşən "Küveyt Şahid Əhməd Əl-Abdo" qrupunun bazasına aparılıb.

"Sentyabrın 11-də yaraqlılar qida tələb edən dinc sakinlərin dağıdılması üçün Ər-Rukbandakı bazarda atıcı silahlardan atəş açıblar", - deyə Bakin əlavə edib.