Əfqanıstanın xüsusi təyinatlı dəstəsi Tacikistanla sərhəddəki Tahar əyalətində yerləşən Yanqi-Kala rayonunu "Taliban" radikal hərəkatının döyüşçülərindən təmizləyib.

"Report" RİA "Novosti"yə istinadən xəbər verir ki, bu barədə ölkənin Müdafiə Nazirliyi məlumat yayıb.

Daha əvvəl "Tolo News" telekanalı yerli hakimiyyətə istinadən bildirib ki, çərşənbə axşamı taliblər Yanqi-Kala rayonunu ələ keçiriblər. Yerli qubernatorun nümayəndəsinin sözlərinə görə, toqquşmalar zamanı 28 "talibançı" öldürülüb.

Silahlılar ağır döyüşlərdən sonra rayonu tuta biliblər, Əfqanıstanın güc strukturları ərazini tərk ediblər. Qeyd edilir ki, hərbçilər dinc əhali arasında itkilərin olmamasına çalışıblar.