Bakıda döyülmə hadisəsi baş verib.

“Report” xəbər verir ki, hadisə Nərimanov rayonunda, Tələt Şıxəliyev küçəsi 18 ünvanında qeydə alınıb.

Belə ki, tanıdığı şəxs 1981-ci il təvəllüdlü Əsgərov Amid Bahadur oğlunun baş nahiyəsinə taxta parçası ilə zərbə endirərək onu döyüb. Ağır xəsarət alan Ə. Amid təcili tibbi yardımın köməkliyi ilə xəstəxanaya çatdırılıb.

Müayinə zamanı ona başın sol təpə ənsə nahiyəsinin əziyi və yarası diaqnozu qoyulub, xəstəxananın reanimasiya şöbəsinə yerləşdirilib. Faktla bağlı araşdırma aparılır.