"Otkes"in nümayəndəsi Yanne Kotiranta əlavə edib ki, təyyarə "Finnair" aviaşirkətinə məxsusdur, amma yaralanan adamın xəsarətlərinin xarakterini açıqlamayıb

Finlandiyada qəribə hadisə olub. "A320" təyyarəsinin heyət üzvü Helsinkinin Vantaa aeroportunda təyyarədən yıxılıb.

Sputnik Azərbaycan RİA Novosti-yə istinadən bildirir ki, bu barədə Nəqliyyatda Bədbəxt Hadisələrin İstintaqı Bürosunun ("Otkes") yaydığı məlumatda deyilir.

""Otkes" Vantaa aeroportunda yanvarın 13-də baş verən insidentin ilkin araşdırılmasına başlayıb. Hadisə ciddidir. "A320"nin heyət üzvü parklanmış təyyarədən yıxılaraq xəsarətlər alıb", - məlumatda qeyd olunub.

Qurumun nümayəndəsi Yanne Kotiranta əlavə edib ki, təyyarə "Finnair" aviaşirkətinə məxsusdur, amma yaralanan adamın xəsarətlərinin xarakterini açıqlamayıb.

Hadisə baş verərkən təyyarədə sərnişin olmayıb. Göyərtədə ancaq personal qalıbmış.