Fevralın 9-da keçiriləcək növbədənkənar parlament seçkilərində Yeni Azərbaycan Partiyasının 38 saylı Nizami ikinci (Gəncə) seçki dairəsi üzrə deputatlığa namizədi Naqif Həmzəyev şər və böhtan atanlara sərt münasibətini bildirib.



Pravda.az-ın xəbərinə görə, N.Həmzəyev mövqeyini “Facebook” sosial şəbəkəsindəki hesabında açıqlayıb.



“Şərəfini və simasını itirənlərə Həzrəti Mövlanənin bu sözləri ilə cavab verirəm: “Yaxşıyı axtar, Gözəlliyi axtar, doğruluğu axtar, amma qüsur axtarma...” Uca Tanrıdan qorxun, şər və böhtandan uzaq durun” – deputatlığa namizəd qeyd edib.