Suriya Hava Hücumundan Müdafiə Qüvvələrinin raketlərinə tuş gəlməmək üçün içərisində 174 sərnişin olan təyyarə Hmeymimdəki Rusiya hərbi bazasına enmək məcburiyyətində qalıb.

Axar.az xəbər verir ki, bu barədə Rusiya Müdafiə Nazirliyi məlumat verib.

Məlumata görə, həmin vaxt İsrail F-16-ları “hava-yer” tipli raketlər vasitəsilə Suriya paytaxtına zərbələr endiriblər. Hücumların dəf edilməsi üçün Suriya tərəfi zenit-raket komplekslərindən istifadə ediblər.

Dəməşq aeroportuna düşmək istəyən “Airbus-320” təyyarəsi təhlükəli zonaya daxil olub. Aeroportun dispetçerləri də öz növbəsində sərnişin təyyarəsini Rusiyanın Hmeymimdəki aviabazasına yönləndiriblər.