Hüquq-mühafizə orqanının əməkdaşları Rusiyanın Çelyabinsk şəhərinin 19 yaşlı sakinini həbs ediblər.

KONKRET.az Rusiya mediasına istinadən xəbər verir ki, o, taksi sürücüsü qadına təcavüz etdiyinə görə ittiham edilir.

Hadisə fevralın 5-də baş verib.

Şübhəli dostlarla birgə içib və sonra taksi çağırıb. Sürücü qadın onu evə gətirəndə sərnişin avtomobildən düşə bilməyib. Taksi sürücüsü onu yoldaşlarına təhvil vermək üçün geri qayıdıb. Yolda isə sərnişin qadına hücum edib.

İstintaqın versiyasına görə, o, zərərçəkmişin boğazına hansısa metal əşyanı dirəyərək zorlayıb və bir neçə saat maşını tərk etməsinə imkan verməyib.

O, getdikdən sonra qadın polisə müraciət edib.