ABŞ-da yanğınsöndürənlər Kaliforniyanın şimalında baş vermiş meşə yanğınında anasını itirmiş ayı balasının izinə düşüblər.

Bu barədə NPR radiostansiyası məlumat yayıb.

Qeyd olunur ki, ayı balası Teylorsvill qəsəbəsi yaxınlığında küllə örtülmüş dağ yolunda tək gəzir.

Yanğınsöndürənlər onlardan qaçaraq gizlənən ayı balasını hələ yaxalaya bilməyib.

Ərazidə çalışan yanğınsöndürənlər artıq bir neçə gündür ayını izlədiklərini bildiriblər.

Ayı balasının xilasına heyvan hüquqları müdafiəçilərindən ibarət qrup da qoşulub.