Çinin paytaxtı Pekində leysan yağışlar və daşqınlar 30 nəfərin həyatına son qoyub.

Oxu.Az xəbər verir ki, bu barədə Çin Mərkəzi Televiziyası məlumat yayıb.

Bildirilib ki, artıq 80 mindən çox insan təbii fəlakət zonasından təxliyə edilib.

Qeyd edilib ki, ölənlərin 28-i Pekinin Miyun rayonunun sakinləridir. Fəlakət nəticəsində avtomagistrallar və elektrik xətləri zərər görüb.

Pekində son bir neçə gündə düşmüş yağıntının orta miqdarı təxminən 166 mm-dir. Şəhərin bəzi ərazilərində bu rəqəm 544 mm-ə çatıb.