Bakının mərkəzində yerləşən və bu gün qəfil sökülən "Araz" otelinin,ona bitişik obyektlərin kimə məxsus olduğu haqda məlumat yoxdur. Bəzi saytlar obyektin Haci İbrahim Nehrəmliyə aid olduğu haqda xəbərlər yayıb. Lakin Nehrəmli bu məlumatları təkzib edib.

Qeyd edək ki, "Araz" oteli 90-cı illərin ortalarından fəaliyyət göstərir, ona bitişik obyektlərdə aptek, kafel-metlax mağazası və digərləri fəaliyyətdə idi. Obyektin bu cür qəfil sökülməsi göstərişin ən yüksək səviyyədə verildiyini təxmin etməyə əsas verir.