Rusiyanın paytaxtı Moskva şəhərində Azərbaycan vətəndaşı intihar edib.

teref.az criminal.az-a istinadən bildirir ki, həmin şəhərdə yaşayan azərbaycanlıların verdikləri məlumata görə, Mehman adlı gənc ''Kuzminka'' parkında özünü asıb.

Mehman bir neçə gün əvvəl yoxa çıxıb. Yaxınları onu axtarsa da, tapa bilməyiblər. Üç gün sonra isə parkda ağacdan asılmış meyiti aşkarlanıb.

Şamaxı rayonun sakini olan Mehman Moskvadakı bazarlardan birində bizneslə məşğul idi. Onun özünə qəsd etməsinin səbəbi məlum deyil.