Bakıda küçə iti 2 yaşlı uşağın yanağını dişləyərək qoparıb.

Dia.az "report"a istinadən xəbər verir ki, hadisə Səbail rayonunda qeydə alınıb. Belə ki, Salyan şossesi ev 12 b ünvanında valideyn nəzarətindən kənara qalan 2 yaşlı Paşayev Ramal Elzamin oğlu binanın həyətyanı sahəsində yerləşən məişət tullantıları qutularının yaxınlıqda oynayarkən ona küçə itləri hücum ediblər.

İtlərdən biri uşağın yanağını dişləyərək xəsarət yetirib. R.Paşayev xəstəxanaya yerləşdirilib. Onun üz nahiyəsi həkimlər tərəfindən tikilib.