6 gün ölümlə mübarizə aparan tələbə vəfat etdi - FOTOLAR
13-07-2015, 00:06
Lənkəranda baş verən yol qəzasında ağır yaralanan tələbə 6 gün reanimasiyada qaldıqdan sonra dünyasını dəyişib.
Musavat.com xəbər verir ki, qəza iyulun 6-da Lənkəran rayonunun Haftonu qəsəbəsinə gedən şose yolda baş vermişdi.
Haftonu qəsəbə sakini, 1989-cu il təvəllüdlü Taleh Hacıməmməd oğlu Mirzəyev idarə etdiyi “NAZ Lifan” markalı, 42 BT 824 dövlət nömrə nişanlı maşınla velosipedlə hərəkət edən Kərgəlan kənd sakini, 1994-cü il təvəllüdlü İlqar Güloğlan oğlu Həmidzadəni vurmuşdu.
Müxtəlif dərəcəli bədən xəsarətləri alan İ. Həmidzadə Lənkəran Mərkəzi Rayon Xəstəxanasının reanimasiya şöbəsinə yerləşdirilmişdi. 6 gün reanimasiyada qalan, ölümlə mübarizə aparan İ. Həmidzadə bu gün vəfat edib.
21 yaşlı İlqar Həmidzadə Lənkəran Dövlət Universitetinin 3-cü kursunu bitirmişdi.
Hadisə şahidlərinin dediyinə görə, İlqar Həmidzadə velosiped sürərkən qulaqcıqdan istifadə edirmiş.
