“İyulun 14-nə bilet almışam, gəldiyim yerə qayıdıram”.

Hafta.az-ın news.am-a istinadən verdiyi xəbərə görə, bunu rusiyalı milyarder German Sterliqov keçirdiyi mətbuat konfransında deyib. Hər zaman qalmaqallı çıxışları ilə gündəmə gələn Sterliqov bu dəfə ümid verdiyi qondarma qurum rəhbərliyinə təyyarə biletini göstərib:

“Bu zarafat deyil, baxın təyyarə biletimi də almışam. 16 iyulda Moskvada olmalıyam. Buradan isə birbaşa Minskə gedirəm. Amma adını açıqlamadığım bir “uzun” şəxsdən təhdidlər aldığım üçün Belarusu tezliklə tərk edəcəyəm. Sizinlə də sağollaşmaq məcburiyyətindəyəm”.

Xatırladaq ki, məşhur milyarder bir neçə gün öncə erməni işğalı altında olan Qarabağın “kənd təsərrüfatına” maliyyə yardımları edəcəyini bildirib. O, qondarma qurumun kənd təsərrüfatının “dirçəlməsi” üçün əlindən gələni açıqlamışdı.