Əfqanıstanın paytaxtı Kabil şəhərinin Binihisar rayonunda partlayış törədilib.
"Report" xəbər verir ki, bu barədə "Sinxua" agentliyi məlumat yayıb.
"Minalanmış avtomobili əfqan hərbçilərini müşayiət edən mühafizə dəstəsinə çırpmağa cəhd göstəriblər. Lakin buna müvəffəq olmayıblar – avtomobil lazım olan vaxtdan əvvəl partlayıb", – deyə təhlükəsizlik xidmətindəki mənbə bildirib.
Kamikadze hadisə yerində ölüb, yoldan ötən daha 3 nəfər xəsarət alıb.