Ukraynanın Rovno vilayətinin Zareçnoye qəsəbəsində kütləvi zəhərlənmə hadisəsi baş verib.

APA-nın “112 Ukrayna”ya istinadən verdiyi xəbərə görə, zəhərlənmə qəsəbədə yerləşən məktəbdə, 1-ci sinif şagirdləri arasında qeydə alınıb.

Hadisə sanitar-gigiyenik qaydalara riayət olunmaması səbəbindən baş verib. Məlumata görə, 14 şagird kəskin bağırsaq infeksiyası diaqnozu ilə xəstəxanaya yerləşdirilib. Onların vəziyyətləri ilə bağlı məlumat verilmir.

Məktəbin mətbəxinin fəaliyyəti müvəqqəti olaraq dayandırılıb. Faktla bağlı araşdırma aparılır.