Tunis hökuməti üç il əvvəl Suriyada bağlatdığı nümayəndəliyini yenidən açaraq müvəqqəti işlər vəkili və konsul təyin etməyi planlaşdırır.

Avropa.info xəbər verir ki, Tunis diplomatik əlaqələri yenidən qurmaq məqsədilə Suriya hökumətini də Tunisdəki səfirliyini yenidən aktivləşdirməyə çağırıb.

Tunisin xarici işlər nazirliyindən verilən açıqlamada hələ ki, Suriyaya səfir təyin edilməyəcəyi bildirilir.

Xatırladaq ki, Tunis hökuməti üç il əvvəl Suriyadakı səfirliyi bağlayaraq diplomatlarını geri çağırmışdı.