Qanuna "Kütləvi dini ibadət, ayin və mərasimlər" adlı yeni maddə əlavə edilib

5-05-2021, 00:59           
Qanuna "Kütləvi dini ibadət, ayin və mərasimlər" adlı yeni maddə əlavə edilib
Xaricdə müqəddəs hesab edilən yerlərə ibadət məqsədilə dindarların mütəşəkkil surətdə ziyarətləri müvafiq dini mərkəzlər (idarələr) tərəfindən həyata keçiriləcək.
"Dini etiqad azadlığı haqqında" qanuna dəyişikliklər edilib.

Sputnik Azərbaycan-ın məlumatına görə, qanuna "Kütləvi dini ibadət, ayin və mərasimlər" adlı yeni 6-1-ci maddə əlavə edilib.

Həmin əlavəyə görə, kütləvi dini ibadət, ayin və mərasimlər (dəfn, yas, iftar, kəbinkəsmə, mövlud və ehsan mərasimləri istisna olmaqla) dini ibadət yerlərində və ziyarətgahlarda keçiriləcək.

Kütləvi dini ibadət, ayin və mərasimlər (dəfn, yas, iftar, kəbinkəsmə, mövlud və ehsan mərasimləri istisna olmaqla) dini ibadət yerlərindən və ziyarətgahlardan kənarda yalnız müvafiq icra hakimiyyəti orqanının müəyyən etdiyi orqanın (qurumun) razılığı ilə təşkil olunacaq.

Xarici ölkələrdə yerləşən və müvafiq din üçün müqəddəs hesab edilən yerlərə ibadət məqsədilə dindarların mütəşəkkil surətdə ziyarətləri müvafiq dini mərkəzlər (idarələr) tərəfindən həyata keçiriləcək və bu barədə müvafiq icra hakimiyyəti orqanının müəyyən etdiyi orqana (quruma) məlumat veriləcək.

Qeyd edək ki, qanun layihəsi Milli Məclisin bu gün keçirilən plenar iclasında səsə qoyularaq üçüncü oxunuşda qəbul edilib.шаблоны для dle 11.2












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.