Qüdsün Dairə məhkəməsi İsrailin keçmiş Baş naziri Binyamin Netanyahunun üç işi üzrə məhkəmə dinləmələrini 19 iyul tarixindən sentyabr ayının ortalarına keçirib.

Trend xəbər verir ki, bu barədə İsrailini "Kan" dövlət radiokanalı məlumat verib.

Məlumata əsasən, prokurorluq dinləmələrin təxirə salınması barədə vəsatəti əsas şahidlərdən birinin "şəxsi tələbi" ilə əlaqələndirib. Növbəti məhkəmə iclasının 13 sentyabrda baş tutacağı gözlənilir.

Xatırladaq ki, 21 noyabr 2019 tarixində Baş prokuror Avihay Mandelblit Binyamin Netanyahunu rüşvətxorluq, xalqın etimadından sui-istifadə və fırıldaqçılıqda ittiham edib.