"YouTube" videohostinqi dezinformasiya ilə mübarizə çərçivəsində dünyada təsdiq edilən koronavirusa qarşı peyvəndləri şübhə altına salan bütün videoları siləcək.

Bizim.Media xəbər verir ki, bu barədə xarici mətbuatda məlumat yayılıb. Bildirilir ki, bunu "YouTube"un vitse-prezidenti Mett Halprin deyib.

Onun sözlərinə görə, peyvəndlərin təhlükəli olduğunu və ya sağlamlığa uzun müddətli mənfi təsir göstərə biləcəyini göstərən bütün videolar videohostinqdən silinəcək.

Qeyd edilir ki, yeni qayda yalnız COVID-19-a qarşı dərmanlar deyil, bütün peyvəndlərə aiddir.