Rusiyanın dövlət borcu artaraq, 32 trilyon rubla çata bilər.

Axar.az xəbər verir ki, bunu Rusiya maliyyə nazirinin müavini İrina Okladnikova deyib.

“Hazırda dövlət borcu 22,8 trilyon rubl və ya ÜDM-in 14,9%-ni təşkil edir. Bu, hələlik bizim təhlükəsiz “sərhədimizdir”. Amma başa düşürük ki, indiki vəziyyətdə dövlət borcu artacaq, çünki xərclərimiz artır. Rusiyanın dövlət borcu ÜDM-in müəyyən edilmiş 20%-i daxilində artacaq, yəni, nəticədə ölkənin borcu 32 trilyon rubl təşkil edəcək”, - o bildirib.