Ölüm xəbəri yayılan rusiyalı şair Lev Rubinşteyn barədə qızı açıqlama verib.

32gun.az bildirir ki, şairin qızı onun ölümü ilə bağlı xəbərləri təkzib edib.
O, bu barədə cümə günü, yanvarın 12-də “İzvestiya” qəzetinə məlumat verib .

“Sizə deyə bilərəm ki, o, hazırda reanimasiyadadır, orada həyatı üçün mübarizə aparır və həkimlər bu işdə ona kömək edirlər. Sizdən xahiş edirəm ki, heç bir söz-söhbətə inanmayasınız”- deyə qızı bildirib.

Nəşrin şairin yerləşdiyi xəstəxanadakı mənbəsi qızının sözlərini təsdiqləyib.

Xatırladılır ki, Moskvanın Obraztsova küçəsində zebra keçidindən keçərkən onu avtomobil vurub. Polis qəza ilə bağlı araşdırma aparır və şair ağır xəsarətlərlə Sklifosovski adına Elmi-Tədqiqat İnstitutuna yerləşdirilib .