“Xiaomi”nin növbəti telefonu “Xiaomi 15 Pro”nun daha bir xüsusiyyəti ortaya çıxıb.

İndex.az xəbər verir ki, seriyanın “Pro” modeli qalınlığında heç bir artım olmadan daha böyük batareya tutumu təqdim edəcək.

Qeyd edək ki, daha öncə sızan xəbərlərdə “Xiaomi 15 Pro”nun 6000 mAh tutumlu silikon-karbon mənfi elektrod batareyası ilə təchiz ediləcəyi bildirilirdi.

“Xiaomi 14 Pro”nun 4880 mAh batareya ilə təqdim edildiyini nəzərə alsaq, bunun əhəmiyyətli bir yeniləmə olacağı şübhəsizdir.