ÜST fövqəladə iclas çağırır

11-08-2024, 16:07           
ÜST fövqəladə iclas çağırır
Ümumdünya Səhiyyə Təşkilatının (ÜST) Fövqəladə Hallar Komitəsi Afrikadakı meymunçiçəyi ilə bağlı vəziyyətə dair avqustun 14-də toplanacaq.

Oxu.Az xəbər verir ki, bu barədə qurumun rəhbəri Tedros Adhanom Qebreyesus "X" sosial şəbəkəsində məlumat verib.

ÜST-nin məlumatına görə, Konqo Demokratik Respublikasında iki ildir ki, meymunçiçəyi epidemiyası davam edir və o, qonşu ölkələrə də keçə bilər.

Qeyd edək ki, meymunçiçəyi nadir virus infeksiyasıdır. Bu, adətən yüngül xəstəlikdir və insanların çoxu bir neçə həftə ərzində sağalır, lakin bəziləri ciddi fəsadlarla üzləşə bilərlər. Xəstəliyinin ilkin simptomlarına qızdırma, baş ağrısı, əzələ ağrıları, bel ağrısı, limfa düyünlərinin şişməsi, titrəmə və yorğunluq daxildir.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru