Ən azı altı ştatda seçki orqanları və seçki rəsmiləri poçtla şübhəli bağlamalar alıblar.

Associated Press agentliyinin məlumatına görə, içində toz olan bağlamalar Ayova, Kanzas, Nebraska, Tennessi, Vayominq və Oklahoma ştatlarının dövlət katiblərinə və yerli seçki idarələrinin göndərilib. Bu, il ərzində şübhəli bağlamaların seçki rəsmilərinə göndərildiyi ikinci haldır.

Bir neçə ştatda seçki rəsmiləri alınan zərflərdə ağ tozlu maddənin olduğunu bildiriblər və ən azı əksər hallarda poçtla göndərilən materialın zərərsiz olduğu aşkar edilib. Məsələn, Oklahoma rəsmiləri seçki ofisinə göndərilən bağlamada un olduğunu bildiriblər.

Ayova ştatında göndərilən şübhəli bağlama binanın boşaldılmasına səbəb olub. Mütəxəssislər ortaya çıxan materialın heç bir təhlükə yaratmadığını müəyyən ediblər. Kanzas ştatının Topika şəhərində yerli orqanlardan birinin binasında olanlar da təxliyə edilib.

Keçən ilin noyabrında ən azı altı ştatda seçki ofislərinə və hökumət binalarına, o cümlədən Kanzasda bazar ertəsi şübhəli bağlamaların alındığı eyni binaya şübhəli məktublar göndərilib. Bəzi məktubların içində fentanil olub, lakin hətta təhlükəli olmadığı müəyyən edilən bağlamaların göndərilməsi bülletenlərin hesablanmasında gecikmələrə səbəb olub.