Donqar balina 13 min kilimetrdən çox üzərək öz növünə görə rekord vurub.
Bu barədə "Live Science" portalı məlumat verib.

Ehtimal olunur ki, balinanın uzun səyahətinin səbəbi, cütləşmə üçün dişi axtarmaq olub.

Balina səyahətinə Sakit Okeanın şərqində Kolumbiya sahillərində başlayıb və Hind okeanının cənub-qərbində Zənzibar sahillərində yekunlaşıb. Ümumilikdə o, 13046 km yol qət edib.

Balinanın yerdəyişməsi ilk dəfə 2013-2022-ci illərdə çəkilmiş fotoşəkillər əsasında qeydə alınıb.