1. Alınmış adlar
Şekspir, bir çox ingilis sözünün yaradıcısı və özünəməxsus təhqirlərin müəllifi kimi tanınsa da, ad seçməkdə o qədər də orijinal deyildi. Məşhur rəqib ailələr Montague və Capulet adları, Dantenin İlahi Komediyasından ilhamlanıb. Ulduzlu sevgililərin adlarına gəlincə, Şekspir, Luici da Portonun 65 il əvvəl yazdığı bir romandan "Romeo" və "Giulietta" adlarını götürüb.
2. Hansı versiyanı bilirsiniz?
Romeo və Cülyetta əsərinin üç fərqli nəşri var. 1595-ci ildə ilk nəşr işıq üzü görüb və "pis kvart" adlandırılıb, çünki çoxlu səhvləri var idi. Dörd il sonra daha təkmilləşmiş ikinci nəşr yayımlandı və bu versiya ən çox istifadə olunandır. Üçüncü nəşr isə 1623-cü ildə çap edilib.
3. Tənqidçilərin narazılığı
Şekspirin dövründə belə, Romeo və Cülyetta haqqında fərqli fikirlər mövcud idi. Bəzi yazıçılar və filosoflar əsəri klassik qaydalara əməl etmədiyi üçün tənqid edirdilər. Britaniya parlament üzvü Samuel Pepys onu "həyatımda gördüyüm ən pis tamaşa" adlandırıb.
4. Tez tanışlıq və evlilik
Cülyetta və Romeo yalnız bir dəfə görüşdükdən sonra evlənirlər. İlk görüşdən cəmi 24 saat sonra Cülyetta, Romeodan sevgisinin ciddi olduğunu sübut etməsini tələb edir və onlar dərhal ailə qururlar.
5. Sadəcə bir uyğunlaşma
Romeo və Cülyetta hekayəsi orijinal deyil. Onun kökləri Masuccio Salernitanonun 1476-cı ildə yazdığı Mariotto və Gianozza adlı italyan hekayəsinə gedib çıxır. Daha sonra bu əsər fransızcaya çevrilmiş, ingilis dilində poema kimi yazılmış və nəhayət, Şekspir tərəfindən uyğunlaşdırılmışdır.
Mənbə: Ezmalaysia
Tərcümə: Nigar Muştaqova
https://24media.az/10617-romeo-ve-culyettanin-bilinmeyen...