Qonşumuzun evinə təmizlik üçün bir türkmən qızı gəlir.
Bəzən liftdə, blokda qarşılaşırıq.
Başı aşağı bir gəncdir.
Bu sabah yenə salamlaşdıq.
Türkiyə türkcəsində təmiz danışır.
“Rus dilini bilirsənmi?” deyə soruşdum.
Bilmədiyini dedi, çünki türkmən dilində təhsil alıb.
“Rus dilində də təhsil varmı ölkənizdə?” deyə soruşdum.
Cavabı görün necə oldu:
“Var, ancaq rus bölməsi azdır, ora ancaq valideynləri rusca bilən uşaqları götürürlər”.
Düşünə bilirsizmi, rus bölməsinə düşmək üçün uşağın ata-anasının rus dilini bilməsi şərtdir. İndi bizim özü rusca bilməyib uşağını rus bölməsinə verənlərə baxın.
Ağlamalıdır, elə deyilmi?
Türkmənlər belə bunu anlayıblar…
İbrahim Nebioğlu
TEREF