GUNDEMİNFO.AZ-ın redaksiyasına daxil olan məlumata əsasən bu gün Beyləqan rayonunda icra hakimiyyəti strukturlarının seçkiyə kobud müdaxiləsi faktı qeydə alınıb. İnformasiyaya əsasən rayonun bütün kənd orta məktəblərində valyideyn iclası çağırılıb. Rayon Təhsil Şöbəsinin göstərişi ilə bütün orta məktəb direktorları valideyn iclaslarında seçici siyahısında 5-ci adama Şahin İsmayılova səs verməyi tələb edib.

Şagirdlərin valideynləri deyir ki, məktəb direktorları seçkiyə gəlməyənlərlə bağlı sərt ölçü götürüləcək. İnformasiyalara görə, Şahin İsmayılovun xeyrinə təbliğat aparılması faktı ilə bağlı rəqibləri tərəfindən Dairə Seçki Komissiyasına şikayət hazırlanır. Məlumatla bağlı dəqiqləşmələr aparıldığından, detalları barədə bilgiləri bir qədər sonra təqdim edəcəyik.