"Dostlar neçə gündür məni düşündürən bir məsələ var. "Qırmızı Xaç"ı gördük, Türkiyənin "Türk Kızılay"ını da gördük. Birincisi leş yığırdı, Türkiyənin "Türk Kızılay"ı isə bizə ən ağır durumumuzda yardıma gəldi, tırlarla yardım gətirdi. Çox gözəl, zatən bunların işi bu..." DİA.AZ bildirir ki, bu sözləri "Boz Qurd" Batalyonunun keçmiş komandiri Nurəddin Xoca özünün "Facebook"dakı statusunda paylaşıb.

Daha sonra Nurəddin Xoca yazır: "Amma və lakin illərlə ianə yığan, adı könüllü olub, amma qeyri-könüllü şəkildə hesabına paralar otrudulan Azərbaycanın Qızıl Aypara Cəmiyyəti hardadır? Axı biz onları nə Gəncədə, nə Tərtərdə və nə də Bərdədə gördük...

Novruz Aslan adlı şair, bəstəkar deputatımız bu cəmiyyətə sədrlik edir. Bu gün onun səsi hər dağılmış evdən, hər şəhid ailəsinin evindən gəlməli deyilmi? Ya mənə elə gəlir?

Yazıqlar olsun ki, Azərbaycanın Qızıl Aypara Cəmiyyətinin və sədrinin səsini eşitmədik... Yazıqlar olsun!"