Keçmiş icra başçısından ölkə rəhbərliyinə şikayət ediləcək

3-10-2024, 08:14           
Keçmiş icra başçısından ölkə rəhbərliyinə şikayət ediləcək
"Neftçala Rayon İcra Hakimiyyətinin keçmiş başçısı Əbülfəz Ağayevin qanunsuz əməlləri ilə bağlı heç bir tədbir görülmür".

Bunu Qaynarinfo-ya Əbülfəz Ağayevdən şikayətçi olan Qarabağ veteranı İslam Bayramov bildirib.

Onun sözlərinə görə, yerli icra hakimiyyəti də onun qanunsuz əməllərindən xəbərdardır.

"Bilirlər ki, Əbülfəz Ağayev dövlət ehtiyat fondunun torpaqlarını zəbt edib. Həmin torpaqlar üçün ona verilən saxtadır. Bu barədə icra başçısının müavini Bürcəli Ağayev də mənə bildirib. O, şəxsən mənə deyib ki, Əbülfəz Ağayevə verilən sənədlər saxtadır. Çünki həmin ərazilərə sənəd verilə bilməz", deyə İslam Byaramov bildirib.

Onun sözlərinə görə, hazırda həmin ərazidə 6 ferma fəaliyyət göstərir. Ərazinin kənarları 3 metr dərinlikdə qazılıb. Bu da digər təsərrüfatçılar üçün əlavə problemlər yaradıb.

"Camaatın mal-qarısı həmin qazılan dərəyə düşüb tələf olur", deyə İslam Bayramov əlavə edib.

Qarabnağ qazisi deyib ki, yerli icra hakimiyyəti heç bir tədbir görmədiyinə görə, o, ölkə rəhbərliyinə müraciət etməyə hazırlaşır.

İslam Bayramov bundan əvvəl Qaynarinfo-ya bildirmişdi Əbülfəz Ağayev Kür çayının 8 qolunu qurudaraq orada özünə təsərrüfat qurub.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru