Dünən Goranboy Rayon Polis Şöbəsində xüsusi əməliyyat keçirilib.

Gununsesi.info-nun hüquq-mühafizə orqanlarındakı mənbələrə istinadən verdiyi xəbərə görə, əməliyyat zamanı rayon polis şöbəsinin bölmə rəisi və daha bir yüksək vəzifəli zabit həbs olunub.

Polis zabitlərinin hansı qurum tərəfindən həbs edildiyi, həmçinin həbsin səbəbləri gizli saxlanır. Lakin Gununsesi.info-nun əldə etdiyi məlumata görə, bu gün Daxili İşlər Nazirliyinin rəhbərliyindəki xüsusi qrup Goranboy Rayon Polis Şöbəsində olub. Şöbədə qapalı iclas keçirilib.

Rayon Polis Şöbəsi rəisinin əməliyyat işləri üzrə müavini Rasim Əmirov Gununsesi.info-nun sorğusuna cavab olaraq bu barədə heç bir açıqlama verə bilməyəcəyini söylədi və Daxili İşlər Nazirliyinin mətbuat xidməti ilə əlaqə saxlamağı tövsiyə etdi.

Lakin xəbər gecə saatlarında redaksiyamıza daxil olduğu üçün nazirliyin mövqeyini öyrənə bilmədik. Mövzuya qayıdacağıq.