Ermənistan Baş naziri Nikol Paşinyanın həyat yoldaşı Anna Hakopyan aprelin 7-də tədbir keçirməyi və 44 günlük müharibədə məhv edilmiş erməni hərbi qulluqçu Mxitar Qaleyanın anası Astğik Qaleyanı dəvət etməyi planlaşdırır. Ordu.az xəbər verir ki, Astğik Qaleyan öz “Facebook” səhifəsində tədbirə dəvət barədə yazıb.

““Birinci xanım” adlanan şəxsin hələ üzü də var 7 aprel tədbirinə dəvət edir. Mən də o “şərəfə” layiq oldum, lakin bu, baş vermədi, uşağımın qanı satılmır, öz tərəfdarlarınızla toplaşın, oğullarını itirmiş valideynləri o çirkin oyuna qatmağa çalışmayın. Torpağı satan ailə ilə masa arxasında oturmayacam, bunu birdəfəlik başa düşdüm”, - deyə o bildirib.