“Molde”nin baş məşqçisi: “Qarabağ”ı məğlub etmək çətindir”

1-12-2023, 08:21           
“Molde”nin baş məşqçisi: “Qarabağ”ı məğlub etmək çətindir”
“Qarabağ” göstərdi ki, onu məğlub etmək çətindir”.

“Report”un Norveçə ezam olunmuş əməkdaşının məlumatına görə, bunu “Molde”nin baş məşqçisi Erlinq Moe evdə “Qarabağ”la 2:2 hesablı heç-heçə etdikləri oyundan sonra mətbuat konfransında deyib.

53 yaşlı mütəxəssis “Aker” stadionunda baş tutan matçı dəyərləndirib: “Bakıdakı oyunda “Qarabağ” bizdən daha yaxşı performans göstərmişdi və qələbəyə layiq idi. Burada isə 90 dəqiqəni biz üstün keçirdik. Komandamla fəxr edirəm. Çünki güclü rəqibə qarşı bu cür oyun göstərdilər. “Qarabağ”, həqiqətən də, çox güclü komandadır. Ancaq biz bu performansımızı “Bayer”lə son görüşdə davam etdirmək istəyirik”.
O, hələ də turnirdə qalmaq şanslarının davam etdiyini vurğulayıb: “Qarabağ”ı hələ təbrik etmirəm. Çünki bizim hələ də Avropa Liqasının pley-offuna yüksəlmək şansımız var. Növbəti mərhələdə rəqibin kimliyi və “Qarabağ”ın necə çıxış etməsi də önəmli olacaq. Uzun illərdir Qurban Qurbanov “Qarabağ”ın baş məşqçisidir. Oyundan sonra onu təbrik etdim. Çünki avrokuboklarda rəqiblərinə çətinliklər yaradır”.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.