Xalq artisti Flora Kərimova: "Ailəsinin namusunu düşünməyən millətin namusunu tapdalayar!"
image here
"Röya, insanların indiyə qədər yaddaşından silinməyən, "30-40 il hələ sağam, varam deyib", hətta Allaha meydan oxuyan, sənin kimi mənə ölüm arzulayan biri də var idi"

Mətbuatda, sayt və sosial səbəkələrdə Müğənni Röya Ayxanın Xalq artisti, milyonların sevimlisi, korifey sənətkar Flora Kərimova haqqında söylədiyi təhqirlər, böhtanlar xeyli müddətdir müzakirə olunur.

Bu münasibətlə Flora Kərimovaya zəng edərək, deyilənlərə münasibət bildirməsi üçün onu redaksiyamıza dəvət etdik. Sevimli sənətkarımız dəvəti qəbul edərək, "Təzadlar"ın redaksiyasına gəldi. Özü də Röya Ayxana hazırladığı cavab yazısı ilə birlikdə. Flora xanımın yazısını olduğu kimi təqdim edirik.

“...Sən axı niyə ölmürsən?”, “Sən bizi önündə oturdub, dövlətinə qarşı mitinqlərə hazırlayan şərəfsiz idin!”, “...Dövlətin ovcunda yaşayırsan”, “...Elə bir alçaq dərəcəyə düşdün ki, oradan çətin qalxasan”, “...Sidiklə yuduğun kiçik beyninlə layiqsiz qadın kimi tanıtdın...”, “Jurnalistlər, bu sənətkarı bu qədər alçaltmayın. Zümrüd, xahiş edirəm bu sənətkara diqqət ayırın. Ayıbdır artıq...”


...Röyalə, təkcə mənə sataşsaydın, məhz sən olduğuna görə o qədər də əhəmiyyət verməzdim. Oğluna tərbiyə verə bilməyən sən, övladımın adını axmaq məsləhətlərinlə çəkməklə qırmızı xətti keçdin. OLSUN, indi məni eşit: Bilirdim ki, savadsızsan. Bilirdim ki, həm də bu səbəbdən universitetin hüquq fakültəsindən qovulmusan. Amma ta bu dərəcədə yox. Görünür dəfələrlə uduzduğun, şərəf və ləyaqətini hesaba saymayan məhkəmələr sənə dərs olmadı. Ay zavallı, hüquqdan elementar anlayışın olsaydı, o biri dediklərin bir kənara, təkcə siyasi böhtanın yetər ki, məhkəmədə qarşımda mil durasan.

1. Mən, sən yozduğun siyasi fəaliyyətimi heç vaxt gizlətməmişəm, danmamışam, utanmamışam və həyat burulğanında o başdan bu başa sənin kimi bata-bata çabalamamışam. Mən torpağımda Dövlət yaradan Millətimin ovucunun içində fədakarlığımla məğrur yaşamaq haqqını qazandım. Həyatını uduzduğun qədər bu böhtanda da uduzdun.

2. Mitinq “şərəfsizliyimi” kimlərlə və kimin evində etmişəm? Sənin, yoxsa belə biçim insanların kameradan-kameraya “ötürülən” türmədə aqibəti bəlli olan, deşikli xörək qaşığı ilə adi məhbuslarla bir masada oturmaq ixtiyarından məhrum, “içəri”nin qanunları ilə məhbusların məlum münasibətindən zarıldaya-zarıldaya yaşamaq biabırçılğından qurtardığım (BAX: VİDEO 1), “döşündən əmdiyi südlə yetişən”, üzünə ağ olub sənə “hörmətini” və “qiymətini” bütün Azərbaycanın önündə, açıq-aşkar ağız-üz söyüşü ilə üzünə çırpan baş məsləhətçin və icraçın Tarix adından utanan Tolikin yuvasındamı? Nə üçün qorxduğunu bilib, bir ay mənə yalvaran Tolikinmi? Verilişlərində məni sənə üzgörənlik edərək, vaxtaşırı, altdan-altdan “iynələyən”, bu adətini üzünə vuranda mənə də sənə etdiyi kimi min sifətlilik göstərib, and içib danan Tolikin evindəmi? (BAX: VİDEO 2 və 3)

Hələ ki, sən anasından başqa özü böyük, adı böyük düşündüyü kimsə olmayan oğluna görə, o vaxt dinmədim, səni xəcalət çəkəcək gələcəyin kişisinə qurban etdim. Hansı miras qoyursan övladına? Millətin yığıb-yığışdıra bilmədiyi porno şəkilləri çəkdirəndə, hər qadının arzusu olan gələcək ailəni düşündünmü? 26 yaşında əməllərinə haqq qazandıraraq “cavan idim qanmırdım” deyib, illər sonra bir-birinin ardınca düzdüyün yalanlar, bütün ölkənin və övladının gözü qarşısında süzülən gözlərinlə utanmadan biədəb jest edib mənim ünvanıma göstərdiyin bir barmaq

- budurmu sənin 36 yaşına qədər keçdiyin, yaşının fərqinə varmadığın analıq islahatın? Düşünmədin, verdiyin tərbiyə ilə yanındakının beş barmağının beşi də nə vaxtsa sənə yönələcək?! Onda yenədəmi sənə qənim böyüyən oğlunu ayıblayıb məndən tələb etdiyin abırdan, ismətdən danışacaqsan?! Davakar, riyakar, paxıl, söyüşkən, böhtançı, yalançı... millətin heysiyyatı ilə hesablaşmayan sən, bu xüsusiyyətlərinə görə qazandığın və səndən acıq çıxmaq istəyən düşmənlərin qəzəbindən, övladını, ona verdiyin rəzalətdən necə qurtara biləcəksən?

Bu acı dünyada xəcalətlərini boynuna yük etdiyin, bəh-bəhlə əzbərdən “yağış, baxış, naxış” oxuya-oxuya və bu azmış kimi, utanmadan donunu qaldırıb alt tumanını sərgiləyəndə (BAX: VİDEO 4), gələcək övladının halına yanmadınmı? Bu jurnalı diqqətlə oxu!

Xüsusən hərəkətlərindən “nümunə götürüb” xəcalətindən intihar etmiş yeniyetmənin acı taleyinin yükünün altından çıxa bildinmi?

“Mən niyə ölmürəm?!” Həyat karvanım məni səndən fərqli olaraq alçaltmadan, utandırmadan, daha önəmlisi, rəzil etmədən aparır... Hələ ömür nöqtəmi mənə qıymayan, çoxlarına qənim və göz dağı edib yaşadan Uca Yaradandır. İnsanların indiyə qədər yaddaşından silinməyən, “30-40 il hələ sağam, varam deyib”, hətta Allaha meydan oxuyan, sənin kimi mənə ölüm arzulayan biri də var idi... O da gecəsini gündüzünə qatıb, mənə qarğış etdi, etdi... axırda da Allahı o qədər boğaza yığdı ki, ondan birdəfəlik canını qurtarıb əzablı ölümlə apardı. Dəlicəsinə sevdiyi canını “Mənəm... Mənəm” deyib urvatsız ölümə qurban verdi.

Bu ikibaşlı sualın düşər-düşməzi olar! Sən özündən qorx!!!

...82-ci ildə anadan olub, cəmi-cümlətanı 10 ildir cırmaq-cırmaq səhnəyə qədəm basan və hələ bu yaşında da müalicəsi gözə görünməyən, nəticəsi olmayan, 3-4 notdan ibarət monoton ifanla eyni üslubda oxuduğun, sabahı böyük mənada olmayan səsin və sənətinlə kimə meydan oxuyursan, ay biçarə- 4 oktavanın sahibi mənəmi?

İllər öncə ANS-in bir verilişində aldığın “qiymət”dən keçən müddət ərzində müğənni kimi müsbətə nə dəyişib, qazandığın səsindəki titrəmələrdən başqa?! (BAX: VİDEO 5) Bunu sənə, təvazökarlıqdan uzaq olsa da, sənətkar deyir. Niyə həqiqətdən qorxursan?!

Layiqsiz qadın kimi səni tanıdan mənəmmi, ya səhnədə birinci addımından bu günə qədər biabır edib, sürüyən, təpiklər altına salan, böyük mənada Evini Yıxıb rəzalət içində saxlayan, indiyə qədər də əməllərinə göz yummayan media, sosial şəbəkələrmi?


Ailəsinin namusunu düşünməyən millətin namusunu tapdalayar!” Əgər bu həyatını layiqli sayırsansa, Allah xalqımı bundan betərindən qorusun.

Qızımın toyunda sənin əlindən öpdüyümün mənə şərəf gətirdin dediyimin şahidləri, sübutları bu müddət ərzində hardadır? Atalar demiş, yalançının şahidləri yanında olar, buna da gücün çatmadı? Bu kimi yalan və böhtanlardan yorulmadınmı? Çox hamını hədələyirsən, el dili ilə desək, “Yetənə yetib, yetməyənə atdığın daş heç sənin hədəflərinin topuğuna da dəymir.” Bəlkə meydan sulayıb “vor-zakon”luq etmək ürəyindən keçir? Kimə arxayınsan? Saysız-hesabsız sponsorlarına, yoxsa nə vaxtsa, bir cavanın üstünə yeridib döydürdüyün və bununla da risk altına saldığın asayiş keşikçisi adını daşıyan qoluzorlularına? (BAX: LİNKƏ)

"Mən sən girən kol deyiləm..."

İndi isə keçək Zümrüdümə:

İndiyə qədər keçdiyin, hələ də doymadığın həyat bu kimi porno şəkillərdə ömrünün sonuna qədər səni kabus kimi izləyəcək, övladının həyatını zəhərləyəcək!


Hansı namusuna güvənib? Hansı abrına qısılıb? Hansı ağlına, düşüncənə, addımlarına “əhsən” - eşidib? Hansı gələcəyinə ümid edib? El içində hansı nüfuzuna arxayın olub, mənim qızıma sataşırsan? Dağıl ey dünya, gör kimə kim qiymət verir?!

Deyirsən ayıbdır... Düz deyirsən, ayıbdır, ancaq kimə? 11 yaşından VƏTƏN, Qarabağ savaşında yanımdan bir anlıq belə çəkilməyən, Qürbətdə vətən naminə atılan bütün addımlarda vətənpəvərlərin ön sırasında gedən, iki ali təhsilin (Vətəndə Endokrinologiya, İngiltərədə Psixologiya) sahibi - qızıma, yoxsa 26 yaşında çılpaq foto-sessiyalarına və çəkildiyi erotik filmə başı qarışan, bu vücudunla mediada lüt şəkilləri ilə məşhur olan sənəmi? Yolları bəlli olmayan cəhdlə, özü də hara, Bakı Dövlət Universitetinin “Beynəlxalq hüquq və Beynəlxalq münasibətlər” ixtisasına adını yazdırıb, öz deyimi ilə guya 3 il ayaq döyən, saytlar duyuq düşdükdə isə qovulan sən Röyalə, hansı savadınla, ismətinlə, tərbiyənlə öyünüb mənim qızıma dərs verib, ağıl öyrədirsən?!



İllərdir şəhidlər torpağa tapşırılanda görmədiyimiz, Aprel döyüşlərində cavanlarımızın dəfnində, yasında görmədiyimiz, erməni gələndə sözünü eşitmədiyimiz, əvəzində çılpaq şəkillərini və yalan söhbətlərini yenidən gördüyümüz sən, mənim qızıma onun 20 yanvar hadisələrində tank qabağında duran, “KQB” və ermənilərin ölüm siyahısına düşən, Vətənə görə başı min bəlalar çəkib, sənət qismətini qadağalarda keçirən anasını ayıb bilirsən? Qızımın cavabı sənə çox ola bilər. Sənin oğlunun səni ayıb bilənlərə cavabı olacaqmı? Adam da bu qədər özündən xəbərsiz olarmı? Deyəsən səni hal çaşdırıb. Bil ki, mən sən girən kol deyiləm “doçinka”.


Sonuncu, 78 yaşının 65 ilini səhnədə keçirən, bu illər ərzində ləyaqətini qoruyub, saxlayan, xalqının sayğısına, onlara olan sevgisiylə cavab verib, haqq qazanan sənətkarın ünvanına yozmaların nəticə verdimi? Millətin hiddətindən xəbərin oldumu? Türklər demiş, şunu kafana sok ki, mən “yaşın nə fərqi var ki”lərdən və belə həyatla yaşayanlardan deyiləm.

Hər yola əl atan, alkoqolizmə, narkotikə qurşananları Allah övladları ilə cəzalandırır. Şükürlər olsun, o bədbəxtçilikdən uzağam, çox uzağam! İndiyə qədər nə sözündə, nə davranışında, nə həyat düşüncəsində istər oğlum, istərsə də qızım nəinki rəzil, heç bir an belə məni məyus etmədilər.

"Ayza", "ağəz", "ağəzuşka", sonda tərcümə savadına güvənib bir sual verə bilərəmmi? Rus dilində "Бывших алкашей и наркоманов не бывает" sözləri doğma dilimizdə belə səslənə bilərmi: "Alkaş və narkomanların keçmiş halı olmur!". "Doçinka", birdən çaşıb, bunu özünə götürərsən haaa... Sən öl inciyərəm!!!

P.S. Sən və sənin öyrətdiklərin dilinizi dinc qoymayana qədər, hər ağzınızı açmağınızla sizə kim olduğunuzu xatırladacam...

Təqdim etdi: Elçin Məmmədli