“Taliban” Əfqanıstanda qadınların işləmək qaydalarını açıqladı

15-09-2021, 08:09           
“Taliban” Əfqanıstanda qadınların işləmək qaydalarını açıqladı
Əfqanıstanlı qadınlar kişilərlə birlikdə işləməməlidir. Bu barədə taliblərin yüksək rütbəli komandiri Vahidulla Haşimi bəyan edib.

Beləliklə, Əfqanıstandakı qadınlar dövlət idarələrində, banklarda, mediada, əksər şirkətlərdə işləmək imkanından məhrum olacaq.

Haşiminin sözlərinə görə, hərəkat Qərbin etirazına baxmayaraq şəriət və İslam qanunları ilə bağlı baxışlarını tam şəkildə yerinə yetirməyə qərar verib.

“Zərif cinsin nümayəndələri yalnız kişilərin olmadığı yerdə işləyə biləcək”, - deyə o, bildirib.

Haşimi, evdən kənarda qadınlarla kişi arasında əlaqələrin həkimə getmək kimi müəyyən şərtlərdə icazə veriləcəyini əlavə edib.

“Əlbəttə ki, qadınlara ehtiyacımız var, məsələn, tibbdə, təhsildə. Onlar üçün ayrıca müəssisələrimiz, xəstəxanalarımız, bəlkə də universitetlərimiz, məktəblərimiz, mədrəsələrimiz olacaq”, - deyə o, əlavə edib.



Mənbə: “Reuters”












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru