Ermənistan Müdafiə Nazirliyində Rusiya Müdafiə Nazirliyindən olan nümayəndə heyəti ilə görüş keçirilib.

Bizim.Media "Telegram" kanallarına istinadən xəbər verir ki, görüşdə Qarabağdakı sülhməramlı kontingentin yeni komandanı olan general-leytenant Gennadi Anaşkin ermənilərə təqdim olunub.


Görüşdə Qarabağdakı vəziyyət müzakirə olunub və gələcək fəaliyyət istiqamətləri haqqında diskussiya aparılıb.

Məlumat üçün deyək ki, Qarabağdakı sülhməramlı kontingentin ilk komandanı Rüstəm Muradov Azərbaycanın müdafiə naziri ilə bir necə dəfə görüşüb. Muradovu əvəzləyən Kosobokovun Azərbaycan müdafiə naziri Zakir Həsənovla görüşdüyü barədə xəbərlər yayılsa da, bu, rəsmən təsdiqlənməyib.