"Atəşkəs razılaşmasına əsasən, Ermənistan öz ərazisindən Naxçıvana çıxışı açmaq öhdəliyini daşıyır".

Teref.az xəbər verir ki, bu sözləri Hafta.az-a müsahibəsində Norveçin ölkəmizdəki keçmiş səfiri Steynar Gil deyib. O bildirib ki, metodlar iki tərəf arasında danışıqlarda, ola bilsin ki, üçüncü tərəfin köməyi ilə işlənib hazırlanmalıdır. "Avropa İttifaqı ilə bu yaxınlarda keçirilən görüşün nəticələrinə əsasən, İttifaqın müvafiq arbitr ola biləcəyinə inanmağa əsas var. Laçın dəhlizi Dağlıq Qarabağın yekun həllinin tapılması üçün danışıqlarla bağlı həll edilməli olan ayrıca məsələdir. Fikrimcə, Avropa İttifaqı da bu danışıqlarda arbitr kimi iştirak edə bilər" deyən diplomat əlavə edib ki, hər iki halda Rusiya ilə onun sülhməramlı roluna dair razılığa gəlinməlidir.