Putin dünən müharibə haqqında danışdı, ordusunu təriflədi, günahı yenə Ukraynanın üzərinə atdı və kif atmış arqumentini təkrarladı - "hər şeyin günahkarı 2014-cü ildə Ukraynada dövlət çevrilişi, sonra qurulan qeyri-legitim Kiyev rejimidir", dedi.
2014-dən sonra Ukraynada hər biri 2 dəfə olmaqla prezident, parlament və bələdiyyə seçkiləri olub, tutalım, 2014-də çevriliş olub, sonra axı legitim, azad seçkilərlə hakimiyyət formalaşıb, elə deyil?! Hətta Poroşenko hakimiyyətdə ola-ola seçki uduzub, udanın əlini sıxıb, hakimiyyəti seçki ilə təhvil verib - rusların belə vəziyyət yuxularına da gəlməz...
Putinin məntiqi ilə yanaşsaq 1917-dən bəri indiki Rusiyada legitim hakimiyyət olmayıb, SSRİ də qeyri-qanuni qurulub, 106 ildir Rusiyada qanunsuz hakimiyyət var - axı 1917-də Rusiyada çevriliş oldu, özü də iki dəfə, deməli sonra nə olubsa hamısı qanunsuzdur.
Kremlin bu yanaşması absurd olduğu qədər gülməlidir, dünyada onlarla ölkə var ki, tarixlərinin öz "2014-ləri" var...
Natig Cəfərli
Tertef.az