Bayden: “Rusiyanın Belarusa öz nüvə silahlarını yerləşdirməsi böyük məsuliyyətsizlikdir”
18-06-2023, 08:12
ABŞ prezidenti Co Bayden bəyan edib ki, Rusiyanın taktiki nüvə silahlarının Belarusda yerləşdirilməsi böyük məsuliyyətsizlikdir.
ABŞ Prezidentinin jurnalistlərə verdiyi bu açıqlamanı Ağ Evin mətbuat xidməti yayıb.
“Mən artıq dəfələrlə bu məsələyə münasibət bildirmişəm. Bu, böyük məsuliyyətsizlikdir”, - deyə ABŞ lideri vurğulayıb.
Xatırladaq ki, Rusiya prezidenti Vladimir Putin martın 25-də bildirib ki, Rusiya Minskin xahişi ilə ABŞ-ın çoxdan öz müttəfiqlərinin ərazisində etdiyi kimi, öz taktiki nüvə silahlarını Belarus ərazisində yerləşdirəcək.
Moskva artıq Minskə nüvə silahı daşıya bilən “İsgəndər” raket kompleksinin ilk partiyasını təhvil verdiyini açıqlayıb.
Mənbə: TASS
