Beş ölkə BMT-ni İranın dronlarının Rusiyaya tədarükü ilə bağlı araşdırma aparmağa çağırıb
24-06-2023, 09:04
ABŞ, Fransa, Böyük Britaniya, Albaniya və Ukrayna BMT baş katibini İran və Rusiya arasında hərbi əməkdaşlıq, xüsusilə pilotsuz təyyarələrin tədarükü ilə bağlı araşdırma aparmağa çağırıb.
“Report” xəbər verir ki, bunu ABŞ-ın BMT-dəki daimi nümayəndəsi Linda Tomas-Qrinfild deyib.
“Rusiya və İranın hərəkətləri BMT Təhlükəsizlik Şurasının 2231-ci maddəsini pozur. Bu qətnamə bütün ölkələrə, o cümlədən Təhlükəsizlik Şurasının daimi üzvlərinə qurumun əvvəlcədən razılığı olmadan bu cür silahların İrandan ötürülməsini qadağan edir. Təbii ki, belə bir təsdiq olmayıb”, - Tomas-Qrinfild bildirib.