Əfqanıstan mediasında gözəllik salonları ilə bağlı “Taliban” hökumətinin tövsiyələrinin siyahısı dərc edilib. Bildirilir ki, Əxlaqı Təbliğ etmək və Əxlaqsızlıqların Qarşısını Almaq tərəfindən tərtib olunan tələblərin siyahısı dörd ay əvvəl gözəllik salonlarına göndərilib, lakin yerinə yetirilməyib.

Təlimatlar bunlardır: Makiyaj tətbiq etməzdən əvvəl qadınlar dəstəmaz almalıdırlar, bunun üçün hər bir gözəllik salonu xüsusi yerlə təchiz olunmalıdır; Vizajist qadınların vaxtında namaz qılması və ənənəvi hicab geyinməsi tələb olunur; Salonlarda kişilərin olması və müşahidə kameralarının quraşdırılması da qadağandır.

“Bir neçə ay ərzində biz onlara istənilən şəraitdə işləməyə icazə vermişik, lakin məktubda göstərilən göstərişlərə əməl olunmadığından salonlar bağlanıb”, - deyə nazirliyin sözçüsü Məhəmməd Akif Məhəcər bildirib.
Bundan əvvəl Taliban Əfqanıstandakı bütün gözəllik salonlarını bağlayıb. Qurumdan bildirilib ki, bu tədbir əfqanların ailə büdcəsinin qayğısına qalmaq məqsədi daşıyır.

Mənbə: TOLO News