Kiçik Kennedi ABŞ-ı Rusiya ilə dialoqa çağırıb.

Publika.az xəbər verir ki, Amerika Birləşmiş Ştatlarının prezidentliyə namizədi Robert Kennedi Nyu-Yorkda keçirilən tədbirdə çıxışı zamanı Rusiya ilə yüksək səviyyəli dialoqun qurulmasının zəruri olduğunu bildirib.

Onun sözlərinə görə, Amerika hazırda Rusiya ilə potensial olaraq ekzistensial döyüşdədir.

“Rusiyanın Amerikadan minlərlə çox nüvə silahı var. İndi belə görünür ki, bu məlumat heç kimin vecinə deyil”, - Kennedi bildirib.

O vurğulayıb ki, əvvəllər əmisi və Xruşşov bir-biri ilə yaxşı dostluq münasibətində olublar.

“Bir il ərzində heç kim Rusiya prezidenti Vladimir Putinlə danışmadı. Hazırda bizim Rusiya Federasiyası ilə yüksək səviyyədə əlaqələrimiz yoxdur. Düşünürəm ki, bizə dialoq lazımdır. Amerika Con Kennedinin dediyini etməlidir”, - Kiçik Kennedi əlavə edib.