Aparıcı Sevinc Telmanqızının təqdimatındakı “Canlı debat” verilişində AXP sədri Pənah Hüseyn və Milli Azadlıq Hərəkatının öncüllərindən Nemət Pənahlı üz-üzə gəlib.

Nemət Pənahlı verilişdə eks Baş nazir Surət Hüseynovun ölümündən danışıb. O, qeyd edib ki, Surət Hüseyovun dəfnində Azərbaycan və Türkiyə bayraqlarının olması, Azərbaycan himninin oxunması onun dövlətçiliyə bağlılığı ilə əlaqəlidir və himn oxunanda kövrəlib.

Danışarkən efirdə də kövrələn Nemət Pənahlıya Pənah Hüseyn özünəməxsus replika ilə cavab verib.

"Nemət Pənahlı son illərdə ümumiyyətlə kövrəlir. Xatırlayıram 2020-ci ildə hərbi paradda da ağladı", - Pənah Hüseyn deyib.

Bu zaman tərəflər arasında anlaşmazlıq yaranıb. Pənah Hüseyn Nemət Pənahlının ağlamasına artistlik kimi baxdığını bildirib.

musavat.com