Bakıda əsas şəhər sinaqoqunun yanında Yəhudi Mədəniyyət Mərkəzi tikilir.

Bu barədə Jewish News Sindicate rəsmi Azərbaycan mənbələrinə istinadən xəbər verir.

Mərkəzdə bazar günü yəhudi məktəbi və böyüklər və uşaqlar üçün kurslar, həmçinin kosher restoranı təşkil olunacaq.

Mərkəz Azərbaycan dövlətinin vəsaiti hesabına tikilir.

Bakı Dağ Yəhudiləri İcmasının mənəvi lideri İbrahim Yaqubovun sözlərinə görə, dördmərtəbəli binanın tikintisi üçün torpaq sahəsi Prezident İlham əliyev tərəfindən icmaya hədiyyə edilib.

Tikintinin 2024-cü ilin sonunda başa çatdırılması planlaşdırılır.

Nəşir həmdə Bakıda keçirilməsi nəzərdə tutulan Avropa ölkələrinin ravvin Konfransının keçirilməsi haqqında məlumat verilir. Qitənin hər yerindən təxminən 500 Avropa ravvininin iştirakı gözlənilir.

Konfransın əsas mövzusu dini etiqad azadlığı və yəhudi icmalarının fəaliyyəti ilə bağlı məsələlər olacaq. Qurultay iştirakçıları əsrlər boyu dağ yəhudilərinin yaşadığı Azərbaycanın şimalındakı Krasnaya Sloboda qəsəbəsinə səfər edəcəklər.(Turan)